Հարգելի LILIT, բարև Ձեզ: Խնդրում եմ մանրամասնեք, որևէ հետազոտության արդյունքում է պարզվել, որ նման խնդիր կա, թե դա ուղղակի Ձեր ենթադրությունն է: Եթե կատարվել է  հետազոտություն կամ բժշկի եզրակացություն, խնդրում եմ ներկայացրեք: Ամենայն հավանականությամբ խոսքը սկոլիոզի մասին է: Սկոլիոզի դեպքում տեղի է ունենում ողնաշարի թեքում, բուժման եղանակը և արդյունավետությունը կախված է սկոլիոզի աստիճանից:

Հարգելի  Mari,  հավանաբար խոսքը ողնաշարի սկոլիոզի մասին է, որը հաճախ է հանդիպում Ձեր տարիքի երեխաների մոտ: Տարբերում են սկոլիոզի 4 աստիճան, որը կախված է ողնաշարի թեքման աստիճանից: 30 աստիճանի թեքվածությունն արդեն 3-րդ աստիճանի սկոլիոզ է: Այս դեպում անհրաժեշտ է բուժում, որը կարող է լինել կոնսերվատիվ `տարբեր վարժությունների, բուժական ֆիզկուլտուրայի, ուղղիչ կորսետների միջոցով: Արդյունքների չհասնելու կամ հիվանդության զարգացման դեպքում անհրաժեշտ է  նաև դիմել վիրահատական միջամտության: Խորհուրդ ենք տալիս, որքան հնարավոր է՝ շուտ սկսել բուժումը:

Հարգելի Անի, բարև Ձեզ, այդ հիվանդության անունը անշարժացնող սպոնդիլոարթրիտ է  կամ Բեխտերևի հիվանդություն, որի մասին կարող եք կարդալ հոդվածում, որի հղումը ներկայացնում ենք ստորև.

https://www.med-practic.com/arm/145/806/article.more.html